Ghar Mein Aayaa Nayaa TV

"Ghar mein aayaa nayaa TV"
Ghar mein aayaa nayaa TV,
khush ho gaye, bachhay aur bivi,
Maan boli, udghaatan main karungi,
Patni boli karkay dekho, main lad maroongi,
Pati bechaaray ki aagayi shaamat,
TV naa aayaa, aa gayi aafat,
Baje 4.30, ladka bolaa dekhoongaa main He-man,
Pitaa ji baras pade, He-man dekhnaa hai pooraa ban,
Ladka cheekhaa, phir TV hai kisliye,
Apna bijli ka bill badhay, sirf isliye,
Baj gaye 6 ladki boli, dekhoongi main disney hour,
Pitaa chillaaye, nikal jaao abhi is kamray se baahar,
Ladki ban maasoom, poochhaa main kyun nahin dekh sakti,
Pitaa ji bole, Aray nikal jaao, mat khaa bhejaa abhi,
8.30 par patni boli main dekhun ab Yes boss,
Papa ji phir bolay, patni ji ho jaao yahaan se get lost,
Tabhi saas nikal aayin, boli TV dekh sakte hain hum bhi,
Abhi bajengay 10.30, phir dekhungi "Saas bhi kabhi bahu thi",
Dekhun kaise rokatay ho mujhe dekhne se TV,
Mat bhoolo main hoon Retrd. Major general ki bivi,
Goli maar denge tumko agar TV naa mujhko dekhne diyaa,
Aray, chand rupyon ke liye kyun jalaate ho apnaa jiaa,
Kyun nahin dekhne daytay, poochh rahi hoon kabse,
Bas daantay jaa rahe ho humein tabse,
Wo bolay, bataaon iska reason, dekhnaa hai mujhe Aaj-tak,
Ab tum sab chup ho jaao, band karo apni bak-bak,
Itna sunanaa thaa, ki pooray ghar mein mach gayaa kohraam,
"Hum naa dekhein tum kaise dekhogay" kar di saki neend kharaab,
Ho gayaa saaraa ghar ast-vyast,
Jhagday mein sab ho gaye past,
Ant mein sab nay jhagday ko rokaa,
Lambi saans kheen Pitaa ji kaa moonh bolaa,
"Apna nahin hai ye TV", sab bole phir TV hai kiskaa,
Pados ke sharma ji ne order diyaa thaa, TV laayaa hoon unkaa,
Ab to pataa chal gayaa naa, TV nahin ye apnaa,
Apnay naye TV ke baaray mein mat sajaao koi sapnaa.
-Composed by Shashank shekhar srivastava (It was written in the year 2001)